Lurralde Kohesioak Nafarroa Ezagutu Sarearekin duen konpromisoa berretsi du, emaitzak ugarituko dituzten, aukerak sortuko dituzten eta despopulazioari aurre egingo dioten aliantzak ehuntzeko
2025ko irailaren 19, ostirala
Nafarroa Ezagutu Sareak bere 2. Eguna ospatu du gaur goizean, birgaitu berria den Artzi Jauregian, eta hainbat erkidegotako hizlariek eta berrogeita hamar bat lagunek parte hartu dute bertan. Jardunaldia bisitarien fluxua erregulatzeari buruzkoa izan da, lurralde-oreka bermatzeko eta kultura-ondareari iraunkortasunaren ikuspegitik balioa emateko gako gisa. Halaber, Nafarroako ikuspegitik eta Burgos, Girona, Huesca, Zaragoza edo Kantabria bezalako inguruko lurraldeen ekarpenekin esperientziak eta estrategiak partekatzeko balio izan du.
