Hasiera

Boluntariotzaren Jaia hemen da!

Iruñeak Nafarroako Boluntariotzaren 2. Jaia ospatuko du Baluarten

Azaroaren 27an, Iruñean, Nafarroako Boluntariotzaren 2. Jaia eginen da, herritar guztientzat irekia, lan solidarioa ikusarazteko eta gizarte proiektuetan parte hartzea sustatzeko. Hitzordua Baluarteko Erakusketa Aretoan izango da, bi ordutegitan:

🕓10:00etatik 14:00etara
🕓16:00etatik 19:00etara

Sarrera librea eta doakoa izango da, eta bertaratzen direnei aukera emango zaie entitateen lana gertutik ezagutzeko eta sare solidario handi honekin bat egiteko.

Ospatzeko eta konektatzeko jardunaldia

Boluntariotzaren Estatuko Kongresuarekin bat eginez, boluntariotza gizartea eraldatzeko tresna boteretsu bihurtzen duten milaka pertsonaren konpromisoa ospatzeko, partekatzeko eta nabarmentzeko eguna izango da festa hau. Helburua da elkarteen sarea indartzea, borondatezko bokazio berriak sustatzea eta jendaurrean aitortzea beren denbora Nafarroa bidezkoagoa, inklusiboagoa eta solidarioagoa eraikitzen ematen dutenen lana.

Parte-hartzea eta aniztasuna

Edizio honetan 74 erakundek hartuko dute parte, eta horietatik 66k standa izango dute goizeko eta/edo arratsaldeko ordutegian. Erakunde horiek boluntariotzaren aniztasuna adierazten dute hainbat eremutan, hala nola gizartean, kulturan, kirolean, hezkuntzan, osasunean, ingurumenean, nazioartean eta lankidetzan, babes zibilean eta larrialdietan.

Standetan, entitateek beren misioa eta balioak erakutsiko dituzte, gizartean eragina duten proiektuak aurkeztuko dituzte, boluntario gisa parte hartzeko moduari buruzko informazioa emango dute eta material interaktiboak partekatuko dituzte, hala nola tailerrak, jokoak eta erakustaldiak. Gainera, beste pertsona eta erakunde batzuekin konektatzeko espazioak sortuko dira, lankidetza sareak sustatuz eta boluntariotzaren indarra ikusaraziz.

Pertsona guztientzako jarduerak

Jaiak ikasteko, partekatzeko eta gozatzeko 24 jarduera izango ditu:

• Hitzaldiak eta eztabaidak: Giza eskubideak, hausnarketa foroak eta saio inspiratzaileak.
• Sormen tailerrak: txapak, giltzatakoak, eskumuturrekoak, artisau produktuak eta mami dastaketa.
• Esperientzia praktikoak: Pintakarak, globoflexia, mahai-jokoak, podcasta eta irratsaioa.
• Zirkuituak eta erronkak: Ibilbideak, taldeko probak eta simulazioak, kontsumoari buruz kontzientziatzeko betaurrekoekin.
• Erakusketak eta erakustaldiak: Ibilgailuak (pickup, anbulantzia, kamioia, furgoneta, autoak) eta jarduera txakurrekin.

Jarduera inklusiboak: Mugikortasun urriko pertsonentzako ibilaldiak eta sare kulturalak sortzeko espazioak.
Animazioa eta kultura: Ipuin kontaketak, dantza kulturalak, esketxak eta lehiaketa dibertigarriak.