Prostituzio-testuinguruan dauden pertsonak artatzeko boluntarioak

Soziosanitarioa

Nafarroan prostituzio-egoeran dauden eta/edo salerosketaren biktima diren pertsonen gizarteratzea sustatzeko eta haien eskubideak betetzen direla bermatzeko hainbat ekintza egitea.

- Etxebizitzetara eta prostituzio-klubetara hurbiltzea: tailer soziosanitarioak ematea, baliabideei eta eskubideei buruzko informazioa, orientazioa eta aholkularitza ematea (asteazken goizez eta ostegun arratsaldez/gauez).

- Gizarte-eraldaketarako sentsibilizazio- eta hezkuntza-jarduerak egitea (astelehenetik ostiralera goizez eta/edo arratsaldez eskatzen dizkigutenen arabera).

- Politikan eta komunikazioan eragina duten ekintzak diseinatzen eta gauzatzen parte hartzea.

- Arloarekin lotutako proiektuen administrazio-kudeaketan laguntzea: datu-basean erregistratzea, jarduerak kudeatzea eta programatzea, gizarte- eta kultura-baliabideekin koordinatzea, etab. (Goizez, astelehenetik ostiralera, aurrez aurre edo online).

- Arloari lotutako azterlanak, txostenak eta protokoloak egiten laguntzea (astelehenetik ostiralera, aurrez aurre, edo online).