Rastrillo Solidarioa: Egin boluntariotza eta jarri zure alea!

Komunitarioa

Azaroaren 12tik 22ra, elkarteak Rastrillo Solidarioa antolatuko du Iruñeko Autobus Geltoki Zaharrean, harrera-etxeetarako eta gizarte eta hezkuntza arloko proiektuetarako funtsak biltzeko helburuarekin.

Azoka 10:00etatik 21:00etara egongo da zabalik, etenik gabe. Bertan, dohaintzan jasotako liburuak, jostailuak, arropa, osagarriak eta bestelako artikuluak salgai izango dira, baita taberna-jatetxe gune bat ere.

Hori guztia posible egiteko, honako arlo hauetan lagundu nahi duten boluntarioak bilatzen ditugu:

Sarrera eta edukiera kontrola

Ekitaldiaren edukiera kontrolatzeko txarteldegian laguntza ematea.
Ordutegia: 10:00etatik 21:00etara.
Azokak irauten duen egunetan zuretzat egokienak diren orduetan edo egunetan parte hartu dezakezu.

Zerbitzariak

Taberna-jatetxeko bazkari zerbitzuan laguntzea.
Ordutegia: 13:30etik 16:00etara.
Ekitaldiak irauten duen edozein egunetan parte hartzeko aukera malgua.

Haurrentzako jarduerak

Haurrentzako jarduerak dinamizatzeko gogoa duten pertsonak: aurpegi-margoketa, eskulanak, jolasak edo proposamen sortzaile berriak.
Ordutegia: 18:00etatik 19:00etara.
Arratsalde batean edo gehiagotan parte hartu dezakezu.

Musika taldeak

Modu solidarioan aritu eta azokako jardunaldietako bat girotu nahi duten musika taldeak edo artistak bilatzen ditugu.

Sukaldeko koordinazioa

Boluntario bat behar dugu bazkarien antolaketan laguntzeko, sukaldea koordinatzeko eta ekitaldiko egunetan laguntza-taldea kudeatzeko.

Lagundu, beste pertsona batzuk ezagutu eta kausa on baten alde ekarpena egin nahi baduzu, hau da zure lekua. Boluntariotzako ordu bakoitzak gehien behar duten pertsonei laguntzen jarraitzea ahalbidetzen du. Zure zain gaude!