Zangozak 200.000 ontzi baino gehiago berreskuratu ditu hiru hilabetetan botila eta latak itzultzeko sistema aitzindariaren funtzionamenduan
2025ko abuztuaren 29, ostirala
Nafarroako Gobernuko Ingurumen Zuzendaritza Nagusiak, Eskualdeko Mankomunitatearekin batera, uda honetan Zangozan martxan jarri duen ontzi birziklagarriak biltzeko eta itzultzeko proiektu aitzindariaren datuek erakusten dute sistema horrek oso harrera ona izan duela saltokien eta herritarren artean. Esperientzia amaitu eta egun gutxira, Estatuan aitzindaria den Itzultzeko eta Biltegiratzeko Sistema (SDDR) deritzonaren funtzionamenduko azken hiru hilabete hauetan, Zangozako hiriak 200.000 ontzi baino gehiago berreskuratzea lortu du, makinetan % 86ko onarpen-tasarekin. Joera hori oso denbora gutxian hobetu da, kontuan hartuta, probaren hasieran tasa hori ez zela % 50era iristen.
