NOU erreferentea da iraunkortasunean, NBEren Garapen Iraunkorreko Helburuetako 14 dituzten proiektuekin
2025ko maiatzaren 19, astelehena
Nafarroako Ospitale Unibertsitarioan (HUN/NOU) Iraunkortasunari buruzko I. Jardunaldia egin dute ostiral honetan; hau da, ospitaleko langileak sentsibilizatzeko ekitaldia, ospitale-ingurune iraunkorragoa izaten laguntzeko praktika arduratsuak hartzearen garrantziaz jabetze aldera. Jardunaldian, NOUk iraunkortasunaren arloan burututako ekintza esanguratsuenetako batzuk errepasatu dituzte. Ekintza horietan, NBEren 2030 Agendaren Garapen Iraunkorreko 17 Helburuetatik (GIH) 14 helburu landu dituzte. Jardunaldian izan da Fernando Dominguez Osasun kontseilaria, eta ekitaldiari amaiera emateko hitzaldia eman du.
