"Navarra era una fiesta (de cine) / Nafarroa besta bat izan zen (zinemarena)" Nafarroako Gobernuak autonomia erkidegoetan dauden nafar etxeetan zehar urtero egiten duen birari hasiera ematen dio
Nafarroako Gobernuko Kanpo Ekintzako zuzendari nagusia, Sergio Perez Garcia, Valladoliden izan da, Blanca Oria kazetari eta dokumentalistak eta Juan Zapater kazetari eta kulturaren alorrean ibilbide profesional luzea duen zinema kritikariak emandako hitzaldian. Ekitaldia larunbat honetan egin da Gaztela eta Leongo hiriburuko Nafar Etxe eta Kultur Etxean, Memoria eta Bizikidetzako, Kanpo Ekintzako eta Euskarako Departamentuko Kanpo Ekintzako Zuzendaritza Nagusiak autonomia erkidegoetako nafar etxeetan zehar urtero antolatzen duen biraren barruan, Nafar Etxeen Federazio Nazionalarekin lankidetzan.
Nafarroako Zentro eta Etxeetan barrena egingo den aurtengo birak Nafarroako historia zinematografikoa gaur egunera arte markatu duten pelikula esanguratsuenak zeharkatzera gonbidatzen gaitu. Ernest Hemingway liluratu zuen jai-giroak The sun also rises "Fiesta" (Fiesta: eguzkia jaikitzen da) lana inspiratu zuen, jaiarekin lotutako filmaketa ugaritarako dei efektua egin zuena. Une hori urtero errepikatzen da inauteri, erromeria, herriko jai edo udako berbena moduan, non musikak bizilagunei eta bisitariei dei egiten dien eta plaza, kalea edo frontoia elkartasun espazio komun bihurtzen duen. A Moveable Feast (Festa mugigarria) eleberriaren autorea parafraseatzean esan liteke "Iruñea festa bat zela", sanferminak askatasunarekin alderatu zituen idazlearentzat.
Kanpo Ekintzako zuzendari nagusi Sergio Pérez hartu du Clara Redondo Kultur eta Nafar Etxeko presidenteak, Valladolidera egindako bisitan. Ondoren, Napar Bideak elkarteak eskaintzen duen Nafarroako Foru Komunitateko produktu tipikoen dastaketaz gozatzeko aukera izan dute bertaratutakoek.
Valladoliden hasi ondoren, Blanca Oria eta Juan Zapater profesional eta zineman adituak Errioxan (Logroñoko Nafar Etxea); Euskadin (Barakaldoko Nafar Etxea, Bilboko Nafar Etxea eta Gasteizko "San Frantzisko Javier" Nafar Etxea); Katalunian (Bartzelonako Nafarren Etxea); Valentziako Erkidegoan (Valentziako "Laurak Bat" Euskal Etxea); Gaztela eta Leonen (Burgosko Nafar Etxea); Aragoin (Zaragozako Nafarroako Etxea); Andaluzian (Sevillako Nafar Etxea); Madrilen (Madrilgo Nafarroako Kultur Elkartea) eta Kantabrian (Santanderreko Nafar Etxea) dauden nafar etxeetan ibiliko dira 2026an zehar.
Nafarroa Globala
2025-2028 aldirako Kanpo Ekintzako II. Planak 3. lan-ardatzean "Nafarroa Globala" jasotzen du Nafarroako herritarrekiko kanpoko arreta eta harremana hobetu nahi dituela, eta Foru Komunitatearen irudi erakargarria, askotarikoa eta garaikidea ezarri nahi duela, diasporarekiko harremanei dagokienez ere, bai itzuli nahi duen alderdiarekiko harremanei dagokienez (prozesu horretan Gobernuak errazte-lana egiten du), bai atzerrian jarraitzea aukeratzen dutenekiko harremanei dagokienez, departamentuak bere komunitatearen errealitatean ahalik eta informazio eta parte-hartze handiena eskaintzen baitie, ulertuta eskubide berberak izan behar dituztela Nafarroako herritar gisa.
Jarduera hau 3.1.1 ekintza-ildoan jasota dago: Laguntza instituzionala eta ekonomikoa ematea nafar eta euskal etxeei eta zentroei beste autonomia-erkidego batzuetan eta atzerrian, lankidetza-ekintzak sustatzeko.
Kanpo Ekintzako Zuzendaritza Nagusiaren 2022ko biran, Iñaki Perurenak harriarekin izandako maitasun istorioari buruzko hitzaldi-erakustaldia eskaini zuen. 2023an, Fernando Larumbek (Napike) euskal pilota jokoak erakutsi zituen Nafarroako kultur ondare gisa. 2024an, Ortzadar Elkarteak bere Nafarroako Dantzen Atlasa erakutsi zuen. Eta 2025ean, "Navarra Canta, con la Federación de Coros de Navarra - Nafarroa Kantari, Nafarroako Abesbatzen Federazioarekin" lelopean, Nafarroako musika koraleko kontzertuak eskaini ziren Foru Komunitateko hainbat abesbatzen eskutik.
