Nafarroan eklipse-egunerako zabaldutako segurtasun-dispositiboa 1.165 pertsonak osatuko dute

Abuztuaren 12an izango den eklipse osoa Nafarroako zati batean ikus ahal izango da, eta zabalduko den segurtasun dispositiboa guztira 1.165 pertsonak osatuko dute; tartean, segurtasun-indarrak eta -kidegoak, Suhiltzaileak eta Nafarroako Babes Zibileko eta Trafikoko kideak egongo dira. Horrela adierazi du gaur goizean Barneko, Funtzio Publikoko eta Justiziako kontseilaria den Inma Juriok prentsaurreko batean; bertan parte hartu dute, halaber, Gobernuak Nafarroan duen ordezkariak, Alicia Echeverriak; eta Unibertsitateko, Berrikuntzako eta Eraldaketa Digitaleko kontseilaria den Juan Luis Garciak. Bertan, egun horretarako herritarrei zuzendutako aholku-kanpaina aurkeztu dute, eta aholkuak autobabesaren, suteen prebentzioaren eta mugikortasunaren ingurukoak dira.