Nafarroako Gobernuak esperimentaziorako eta herritarren lankidetzarako laborategien sare pilotu bat bultzatu du
2026ko maiatzaren 5, asteartea
Nafarroako Gobernuak deialdi bat jarri du abian, herritar laborategi bat sortzeko eta foru lurraldean esperimentazio eta lankidetza komunitarioko sare baten parte izateko interesa duten erakunde, elkarte, enpresa eta kolektiboentzat. Esperientzia pilotu bat da, Gobernu Irekiaren II. Planean konprometitutako ekintzen barruan kokatua. Helburua da elkarguneak bultzatzea, non herritarrek elkarbizitza hobetzera bideratutako lankidetza-proiektuak garatu ahal izango dituzten, gizarte-berrikuntzan, esperimentazioan eta profil eta ezagutza desberdinak dituzten pertsonen arteko lankidetzan oinarritutako metodologia parte-hartzaileen bidez.
