Nafarroako Gobernuak %40 handituko du gizarteratze enpresen finantzaketa, 350 pertsona enplegatzen baitituzte dagoeneko
2024ko uztailaren 18, osteguna
Carmen Maeztu Eskubide Sozialetako, Ekonomia Sozialeko eta Enpleguko kontseilariak Alhama-Cintruenigo S.L. gizarteratze enpresaren instalazioak bisitatu ditu ostiral honetan. Enpresa horrek plastikoak birziklatzen ditu, eta, lehen urteko ibilbidearen ostean, negozioa handitzea eta 16 kontratu eta gizarteratze ibilbide berri sortzea aurreikusten du 2024rako eta 2025erako, bai Cintruenigon duen egungo egoitzan, bai Corellan duen kokapen berrian. Kontratazio berri horiek erakundeak lan egiten duen 14 pertsonei gehituko litzaizkieke, eta horietatik 9 gizarte bazterketako egoeran daude.
