Nafarroako Gazteriaren Institutuak Aljeria, El Salvador, Peru eta Tanzaniako nazioarteko lankidetza proiektuetan parte hartzeko epea ireki du

Nafarroako Gobernuak, Nafarroako Gazteriaren Institutuaren eta Gizarte Babesaren eta Garapenerako Lankidetzaren Zuzendaritza Nagusiaren bitartez, Joan, parte hartu eta konta iezaguzu Nafarroako Gazteak Lankidetzan programaren edizio berri bat abiarazi du. Guztira, hamalau plaza eskaintzen dira 20 eta 30 urte bitarteko gazteek Foru Komunitateko GGKEek sustatutako nazioarteko lankidetza-proiektuetan parte hartzeko aukera izan dezaten. Ekimen honen helburua Nafarroako gazteen nazioarteko elkartasuna, kultura arteko ikaskuntza eta herritartasun aktiboa sustatzea da, Hego Globalean izandako esperientzia eraldatzaileen bidez.