Nafarroak gaztelaniazko trebetasunak hobetu nahi ditu migratzaileen inklusioa bultzatzeko

Kale zehatz bat non dagoen galdetzea, lan-inguruneko adierazpenak ulertzea edota igogailu batean eguraldiari buruz hitz egitea normaltasunez egiten ditugun ekintzak dira gure bizitzan. Normaltasun horrek, ordea, inklusio-sentimendua du berekin, Nafarroara iristen den migratzaile guztiek eskuratu nahi duten komunitatean, eta, horretarako, hizkuntza jakitea funtsezkoa da. Hori dela-eta, Nafarroako Gobernuak migratzaileen gaztelaniazko trebetasunak hobetzeko apustu egiten jarraitzen du, Etxebizitzako, Gazteriako eta Migrazio Politiketako Departamentuak eta Unibertsitateko, Berrikuntzako eta Eraldaketa Digitaleko Departamentuak Iruñeko UNEDekin duten hitzarmenari esker, oinarrizko gaitasunak hobetzeko ikastaro bat garatzeko. Ikastaroa gaur arratsaldean bertan hasi da.