Gazteriak gazteen artean gorroto-diskurtsoei eta desinformazioari aurre egiteko hainbat prestakuntza abiatu ditu

Desinformazioa da gorroto-diskurtsoen eta diskriminazio arrazista eta xenofoboaren arrazoi nagusietako bat. Gizarte-aurreiritzi asko errealitatearekin loturarik ez duten diskurtsoetan edo egiaztatu gabeko datu eta baieztapenetan oinarritzen dira, eta horiek areagotu eta desitxuratu egiten dira, uste okerrak sortuz eta berdintasunaren eta giza eskubideen eremuetan eragin larria izanez. Arazo horren aurrean, Nafarroako Gazteriaren Institutuak (NGI), Nafarroako GGKEen Koordinakundearekin eta Nafarroako Unibertsitate Publikoarekin (NUP) lankidetzan, hiru ekintza zehatz ezarri ditu gazteei tresna erabilgarriak emateko, mezu horiek desmuntatzen eta horien aurrean jarduten laguntzeko: tailerren katalogo bat, hezkuntza formaleko eta ez-formaleko elkarte eta ikastetxeentzat eskuragarri; doako hitzaldiak; eta udako ikastaro bat NUPen.