Etxebizitza kolaboratiboaren gakoak, tokiko esperientziak eta tailer profesional bat, ostegunean eta ostiralean egingo diren bi jardunaldiren ardatzak
2024ko otsailaren 26, astelehena
Etxebizitzako, Gazteriako eta Migrazio Politiketako Departamentuak bi jardunaldi antolatu ditu otsailaren 29rako (osteguna) eta martxoaren 1erako (ostirala), etxebizitza kolaboratiboaren inguruan. Bertan, egoitza-alternatiba horren gakoak azalduko dira, tokiko hainbat esperientzia entzun ahal izango dira eta tailer profesional bat egingo da, besteak beste. Lehenengo jardunaldia Hezkuntza Departamentuaren Areto Nagusian egingo da, 17:00etatik aurrera, eta bigarrena, izaera teknikoa eta gonbidapen erreserbatua duena, Fuerte el Príncipe Egoitzan egingo da, ostiralean, 09:30ean.
