891 gaztek "Aniztasuna aberastasun iturri" IX. Eskola Lehiaketan parte hartu dute

Memoria eta Bizikidetzako, Kanpo Ekintzako eta Euskarako Departamentuak antolatutako "Diversidad fuente de Riqueza/Aniztasuna aberastasun iturri" IX. Eskola Lehiaketaren sariak banatu ditu gaur goizean Nafarroako Gobernuak, Iruñeko Baluarte Biltzar Jauregian eta Auditoriumean egindako ekitaldian. Gobernuko lehendakariorde eta Memoria eta Bizikidetzako, Kanpo Ekintzako eta Euskarako kontseilari Ana Ollok saritu ditu ikasleak. 

Aurtengo edizioan, 48 lan aurkeztu dira, eta 891 ikaslek parte hartu dute. Horien artean 11 aukeratu ditu epaimahaiak. Epaimahaia Memoria eta Bizikidetzako, Kanpo Ekintzako eta Euskarako Departamentuko Bizikidetza eta Giza Eskubideen Zerbitzuko hiru teknikarik eta Hezkuntza Departamentuko Inklusio, Berdintasun eta Bizikidetza Zerbitzuko beste teknikari batek osatu dute.

Saritutako lanak egin dituzten ikasleek ekitaldi ludiko-musikal batean aurkeztu dituzte, proposatutako gaiaren inguruan hausnartuz, eztabaidatuz eta sortuz jardun duten pertsona guztiei eskerrak emateko. Era berean, Harkaitz Arbizu artistak eta Aralar Quartet hari-musika taldeak parte hartu dute Ganbera Aretoan egindako ekitaldian. 

Lehiaketaren gai nagusia "Aniztasuna aberastasun-iturri" izanik, aurtengo gai espezifikoa "Zirriborroa" izan da. Gai horrek begirada 2030era altxatzera gonbidatu du, gizarteak nola aurre egin erabaki beharko liokeen mihise zuri hori irudikatzeko. "Nola jokatu behar dugu gaurdanik etorkizun ez hain urrun hori pertsona guztientzako leku zoriontsua izan dadin?" izan da lehiaketaren antolakuntzak parte-hartzaile guztiei egin dien galderetako bat. 

Eskulturak, marrazkiak, gutunak, audioak, abestiak eta bideoak, lehiaketara aurkeztutako lan guztiak Memoria eta Bizikidetzaren Zuzendaritza Nagusiaren webgunean daude bilduta. 

Foru Gobernuaren aldetik, Ollo lehendakariordeak zein garrantzitsua den belaunaldi berriek hausnartzeko eta sortzeko espazioak eskaintzea azpimarratu du: "Aniztasuna aberastasun-iturri ekimenak elkarrizketarako eta begiradak gurutzatzeko testuinguru bat eskaintzen du, haur eta gazteen inguruneak aztertzeko testuinguru bat. Erabakiak hartzeko testuinguru hori oso garrantzitsua da orainaren eta etorkizunaren zirriborroa marrazteko ".

Era berean, Ollok ikastetxeek, beren taldeek eta, bereziki, ikasleek urtez urte deialdiari erantzuteko duten konpromisoa, inplikazioa eta motibazioa nabarmendu nahi izan ditu. "Ikastetxe asko inplikatzen zarete zeregin eder honetan. Zeregin horrek denbora eta dedikazioa eskatzen ditu. Aurkeztutako lanen bidez, gaiarekiko konpromisoa benetakoa dela ikusten da, eta horrek zuekin batera horrelako ekimenak bultzatzen jarraitzera bideratzen gaitu. Zorionak irakasle eta ikasleoi egiten duzuen lanagatik!", amaitu du lehendakariordeak.

Nafarroako Gobernuko Memoria eta Bizikidetzaren Zuzendaritza Nagusiak zorionak eman dizkie ikastetxeei egin duten lan handiagatik, eta bide horretan lan egiten jarraitzeko deia egin die ikasleei.

Ondoko ikasle taldeak sarituak izan dira:

Haur Hezkuntzako 1., 2. eta 3. mailak:
3. mailako taldeari eta Félix Zapatero HLHIPren egitura espezifikoari saria (Valtierra)

Lehen Hezkuntzako 1. eta 2. mailak:
Amaiur IP Ikastolako 2. B taldeari saria (Iruña)

Lehen Hezkuntzako 3. eta 4. mailak:
Erentzun Ikastolako 4. taldeari saria (Viana)

Lehen Hezkuntzako 5. eta 6. mailak:
Erentzun Ikastolako 6. mailako taldeari saria (Viana)

DBHko 1. eta 2. mailak:
Saria Alhama BHIko 2.A taldeko taldearentzat (Corella)

DBHko 3. eta 4. mailak, Batxilergoko 1. maila eta Lanbide Heziketa:
Berriozar DBHIko (Berriozar) Dibertsifikazio taldeko DBHko 3.a, 4.a

Aurkeztutako lanaren originaltasunaren saria:
Erentzun Ikastolako LHko 2. taldearen saria (Viana)

Aurkeztutako lanaren kalitatearen saria:
Zizur BHIko 4. DBHko taldeari saria (Zizur Nagusia)

Lana bere osotasunean transmititzen duen mezu positibo eta eraikitzailearen saria:
Saria Del Camino DBHIko 3. A/B taldeari (Viana)

Aurkeztutako lanean mezua eskuragarri egotearen saria:
Ibaialde BHIko (Burlata) eta Padre Moret-Irubide BHI (Iruña) UCE taldeei ex aequo saria.