Nafarroako boluntariotzari buruzko II. Azterlana. 2023. urtea

Dokumentu honek Nafarroako Boluntariotzari buruzko II. Azterlanaren emaitza nagusiak jasotzen ditu. Azterlan hori Nafarroako II. Boluntariotza Planean (2022-2023) aurreikusitako ekintzetako bat da. Ekintza hau D – Informatzea ildo estrategikoaren barruan kokatzen da, “Nafarroako boluntariotzaren errealitateari eta inplikatutako eragileen beharrei buruzko ezagutza hobetzera” bideratua.

Lehendakaritzako, Gobernu Irekiko eta Nafarroako Parlamentuarekiko Harremanetarako Zuzendaritza Nagusiak bultzatu du azterlana, eta Orotan Lagun Navarra+Voluntaria/Nafarroako enpresa publiko arduradunak, NASERTICek, kudeatu eta garatu du.

Helburu nagusia ekintza boluntarioan laguntzen duten edo interesa erakusten duten Nafarroako biztanleen eta entitateen tamaina eta ezaugarriak definitzea da. Horretarako, egungo egoera, eskaerak eta dauden beharrak aztertzen dira, eta aukera ematen da hobetzeko proposamenak identifikatzeko, datuak eguneratzeko eta 2019an egindako lehen azterketarekin alderatzeko.

Helburu espezifikoen artean daude: boluntariotzan parte hartzea eta bertan jarraitzea bultzatzen — edo zailtzen — duten motibazioak eta faktoreak identifikatzea, bai eta erakundeen eta haien arloen barruan jarduteko joerak, lehentasunak eta aukerak ezagutzea ere.

Sakatu hemen txosten osoa ikusteko.

Sakatu hemen laburpen exekutiboa ikusteko.