1. tailerra: Nola egin aurre desinformazioari

Tailer honetan, boluntariotzaren testuinguruan desinformazioa identifikatzeko, ulertzeko eta borrokatzeko gakoak jorratuko dira. Albiste faltsuen komunikazio-kanal nagusiak aztertzeaz gain, tresna batzuk eskainiko dira benetako informazioari antzemateko, iturriak kontrastatzeko eta zurrumurruak nahi gabe ez hedatzeko. Helburua da boluntarioen gaitasun kritikoa indartzea eta baliabideak ematea, beren komunitatean benetako informazioaren agente gisa jardun dezaten.

Saio honetan, hainbat trebetasun landuko dira manipulatutako edukiak hautemateko, mitoak desegiteko eta desinformazio-egoerei eraginkortasunez erantzuteko. Gainera, parte-hartzaileek esperientziak eta jardunbide egokiak truka ditzaten sustatuko da, eta jarrera proaktiboa eta lankidetza bultzatuko dira, gaur egungo gizartean desinformazioak planteatzen dituen erronkei aurre egiteko.

Eguna eta ordua:

azaroaren 26an, 16:30etik 18:00etara.

Nork emana:

Charo Sádaba Chalezquer. Nafarroako Unibertsitateko Publizitateko katedraduna eta Komunikazio Fakultateko dekanoa

Ramón Salaverría Aliaga. Nafarroako Unibertsitateko Kazetaritzako katedraduna eta IBERIFIER behatokiaren koordinatzailea

2. tailerra: Nola jokatu hondamendien aurrean. Erronkak eta aukerak

Tailer honen helburua da boluntarioak larrialdietarako eta hondamendietarako prestatzea. Horretarako, oinarrizko ezagutza batzuk emanen zaizkie: jarduketa-protokoloak, nola koordinatu erakunde publikoekin eta nola kudeatu emozioak krisi-egoera batean. Talde boluntarioek hondamendietan izaten dituzten erronka nagusiak landuko dira, bai eta komunitatearen erresilientzia eta lankidetza indartzeko sortzen diren aukerak ere.

Saio honetan, jardunbide egokiak identifikatuko dira, benetako kasuak aztertuko dira eta hausnartuko da zer eginkizun duten boluntarioek hondamendietan eta haien ondoko leheneratze-lanetan. Bultzatuko da parte-hartzaileek begirada kritikoa eta eraikitzailea izan dezaten, hari esker ahulezia sozial handiko momentuetan eraginkortasunez, enpatiaz eta erantzukizunez jarduteko balio duten tresnak eskura ditzaten.

Eguna eta ordua:

azaroaren 26an, 16:30etik 18:00etara.

Nork emana: 

Ana Isabel Munguira Elizondo. Emergenika, Prebentzio eta Babes Zibileko Zerbitzuko Boluntariotza Bulegoko burua.

José Joaquín Pascual Garralda. Nafarroako Gobernuko Larrialdietako, Prebentzioko eta Babes Zibileko Zerbitzuko zuzendaria

José María Cambra Amigot. Milagroko Babes Zibileko Boluntarioen Udal Taldearen arduraduna eta Babes Zibileko Boluntarioen Taldeen Elkarte Nazionalaren (ANAV) ordezkaria Nafarroan

Víctor Segura Díez. Gurutze Gorriko Larrialdi Unitateko teknikaria

3. tailerra: Zeharkako generoa boluntariotzan

Tailer honen helburua da gogoeta egitea boluntariotzako ekintza guztietan genero-ikuspegia txertatzeak duen garrantziari buruz. Aztertuko da genero-desberdinkeriek nola eragin dezaketen proiektu sozialen barruan, bai parte-hartzean, bai baliabideak eskuratzean eta baita erabakiak hartzean ere, eta tresnak eskainiko dira ekimen boluntarioak diseinatu eta gauzatzean begirada inklusiboa eta ekitatiboa izateko.

Saioan zehar, genero-alborapenak eta estereotipoak identifikatuko dira, kasu praktikoak aztertuko dira eta boluntariotzaren esparruan genero-berdintasuna bultzatuko duten estrategiak garatuko dira. Parte-hartzaileen arteko elkarrizketa sustatuko da, esperientziak partekatzeko, hobetu beharreko eremuak hautemateko eta beren konpromisoa indartzeko, ekintza boluntarioa bidezkoagoa, anitzagoa eta eraldatzaileagoa izan dadin.

Eguna eta ordua:

azaroaren 26an, 16:30etik 18:00etara.

Toki kopurua:

Tailer honek gehienez ere 25 plaza izanen ditu, eta izen-emate ordenaren arabera esleituko dira.

Nork emana:

Rut Iturbide Rodrigo. Centro Ardea. Generoan, emakumeen aurkako indarkerian eta esku-hartze sozial eta terapeutikoan espezializatutako aholkularia. Nafarroako Unibertsitate Publikoko irakaslea. 

4. tailerra: Boluntario-lana komunitatearen euskarri: Iruñeko proiektuak ezagutzen (tailer ibiltaria Alde Zaharrean barna)

Tailer honetan ibilbide parte-hartzaile bat eginen da Iruñeko Alde Zaharrean barna, komunitate-sarea indartzen duten boluntariotza-ekimenak bertatik bertara ezagutzeko. Tokiko proiektuak bisitatuz, ikusaraziko da zer inpaktu duen borondatezko lanak hainbat arlotan, hala nola gizarteratzean, kulturan, jasangarritasunean eta auzokoen arteko elkartasunean.  Jardueraren helburua da hiritarren konpromisoari balioa ematea eta ikaskuntza kolektiborako gune bat sortzea lurraldean bertan.

Ibilbidean zehar, parte-hartzaileek aukera izanen dute esperientziak partekatzeko eta lan komunitarioaren erronkei eta aukerei buruz hausnartzeko.  Bizipenetan oinarritutako formatu dinamiko honek aukera ematen du hainbat errealitaterekin konektatzeko, inspirazio-iturri da partaidetza-modu berrietarako, eta kidetasun- eta erantzukidetasun-sentimendua indartzen du hiri bidezkoago eta kohesionatuago bat eraikitzeko bidean. 

Eguna eta ordua:

azaroaren 26an, 16:30etik 18:00etara.

Antolatzailea:

Iruñeko Udala (azalpenak euskaraz emateko aukera).

5. tailerra: Neurtu, ebaluatu, ezagutu. Boluntariotzak pertsonengan eta gizartean duen eragina.

Tailer honek gogoeta hau egitera gonbidatzen gaitu: nola neurtu eta ikusarazi boluntariotzak boluntarioengan eta hura garatzen den komunitateetan duen inpaktua. Ebaluazio-metodologiak, aldaketa-adierazleak eta estrategiak landuko dira, boluntarioen konpromisoak duen indar eraldatzailea aitortzeko. Helburua da ebaluazioaren kultura bultzatzea gizartean; horretarako, hobetzeko, ikasteko eta lorpenak komunikatzeko aukera emanen duten praktikak sustatuko dira.

Saioan zehar, boluntarioek pertsonengan, gizartean eta komunitatean duten eragina identifikatuko da, eta ebidentziak eta testigantzak biltzeko tresna errazak diseinatuko dira.

Eguna eta ordua:

azaroaren 26an, 16:30etik 18:00etara.

Nork emana: 

Maida Pieper. Boluntariotzaren aitortzarekin eta Espainiako Boluntariotzaren Plataformaren gaitasunak balioestearekin lotutako proiektuen arduraduna

Jose Avelino Velasco. Espainiako Boluntariotzaren Plataformako Boluntariotzaren Behatokiko arduraduna

6. tailerra: Arrugas eleberri grafikoari buruzko irakurketa-kluba.

Irakurketa-kluba. Arrugas eleberri grafikoari buruzkoa. Lehenengo zatian Paco Rocaren obra komentatuko dugu. Bigarren zatian, irakurketa-klubei buruz hitz egingo dugu, lagun egitea eta integratzea ahalbidetzen duen tresna gisa, eta baliagarria izan daiteke boluntariotzaren hainbat eremutan. 

Eguna eta ordua:

Azaroaren 26an, 16:30etik 18:00etara

Irakaslea:

Jesus Arana Palacios. Argitalpenen Bulegoko burua (Nafarroako Gobernua) eta "Leer y conversar: una entrada a los clubes de lectura" liburuaren egilea