Aierdi kontseilariak enpresen prozesuetan ekonomia zirkularra bultzatzearen garrantzia azpimarratu du
2024ko uztailaren 31, asteazkena
Landa Garapeneko eta Ingurumeneko kontseilari José Maria Aierdik Vidorreta Design diseinu eta ingeniaritza estudioa bisitatu du asteazken honetan. Produktu berrien garapenean eta enpresa txiki eta ertainei eta startupei laguntza espezifikoa ematen espezializatutako berrikuntza hub bat da, eta GAN-NIK sozietate publikoak NUP-GAN-NIKeko Ekonomia Zirkularreko Transferentzia eta Berrikuntza Katedraren esparruan antolatutako ekonomia zirkularreko ikastaroetan parte hartu ondoren, ekonomia zirkularraren diagnostikoa egin du. Horri esker, zirkulartasuna hobetzeko ibilbide-orri bat diseinatu ahal izan du, eta datozen hilabeteetan ezartzen joango da.
